غروب
قالك مرة واحد كان قاعد مع حبيبتو قدام البحر .. أيا قالتلو: باش يفكرك غروب الشمس؟ قالها: برجوع جليندايزر إلى القاعدة.
فنيان ( يعني كسول)
واحد فنيان يخدم في حانوت نتاع جاج ( يعني يبيع الدجاج)، جات عندو واحدة و قالت لو: شوفلي جاجة فيها زوج (2) كيلو. صاحبنا شاف مليح فالجاج و من بعد قال: يلا .. اللي فيها زوج كيلو تنوض.
* معلم بغا يدير فرض فجائي للتلاميذ، قالهم: عندكم غدوا فرض فجائي.
* واحد قال ليماه: بغيت نتزوج بوحدة بيضا و طويلة و خدامة .. قلت لو: شوف كاش فريجيدار.
* واحد كان يتفرج في ماتش .. مشا يشرب تسجل هدف بلا ما يشوفو .. منين دارو الإعادة ماتماركاش.
* قالك زوج راحو للبحر .. واحد عام و واحد 6 أشهر
*قالك واحد قال لباباه: بابا اشريلي بورتابل ( موبايل). قالو: نشريلك بصح ما تنساش تركب معاك خاوتك.
مهبول
قالك واحد مهبول دايمن حاكم الحيط و حاط وذنو عليه و يسمع، كي شافو الطبيب جا ليه و قالو: واش راك تسمع؟ رد عليه المهبول و قالو: اسمع بوذنك..كي حط الطبيب وذنو على الحيط قالو: ماني نسمع والو. قالو المهبول: هاذي اللي راهي مهبلتني.
الخميس مارس 11, 2010 7:09 am من طرف سلاف ابراهيم بلهواري
